Field Marshal Asim Munir Meets U 19 Team After Historic Asia Cup Win Over India
ایشیا کپ میں بھارت کو شکست دینے کے بعد پاکستان انڈر 19 کرکٹ ٹیم نے چیف آف ڈیفنس فورسز فیلڈ مارشل عاصم منیر سے ملاقات کی۔ اس موقع پر فیلڈ مارشل عاصم منیر نے نوجوان کھلاڑیوں کو زبردست کارکردگی پر مبارک باد دی اور کہا کہ ٹیم نے پورے ملک کا سر فخر سے بلند کیا ہے۔
فیلڈ مارشل عاصم منیر نے کہا کہ مشکل حالات میں پراعتماد کھیل، نظم و ضبط اور ٹیم ورک ہی کامیابی کی اصل کنجی ہے۔ انہوں نے نوجوان کھلاڑیوں کے جذبے اور محنت کو سراہا اور مستقبل کے لیے نیک تمناؤں کا اظہار کیا۔
انڈر 19 ٹیم کے کھلاڑیوں نے میچ کے اہم لمحات اور اپنی تیاری کے بارے میں آگاہ کیا۔ ٹیم منیجمنٹ نے حکمت عملی اور کھلاڑیوں کی کارکردگی پر بریفنگ دی۔
ایشیا کپ میں بھارت کے خلاف یہ فتح پاکستان کے یوتھ کرکٹ سسٹم کے لیے ایک بڑا حوصلہ افزا قدم قرار دی جا رہی ہے۔ شائقین کرکٹ نے اس کامیابی کو ملک کے روشن مستقبل کی علامت قرار دیا۔