سیمنٹ کی قیمتوں میں معمولی کمی، شمالی شہروں میں ریلیف

شماریات کی تازہ رپورٹ کے مطابق

پاکستان بیورو برائے شماریات کی تازہ رپورٹ کے مطابق ملک میں سیمنٹ کی قیمتوں میں معمولی اتار چڑھاؤ دیکھنے میں آیا ہے۔ یکم جنوری کو ختم ہونے والے ہفتے کے دوران شمالی شہروں میں سیمنٹ کی فی بوری اوسط ریٹیل قیمت 1387 روپے رہی، جو گزشتہ ہفتے کے مقابلے میں 0.27 فیصد کم ہے۔ اس سے پہلے شمالی علاقوں میں سیمنٹ کی اوسط قیمت 1391 روپے ریکارڈ کی گئی تھی۔

جنوبی شہروں کی بات کی جائے تو وہاں سیمنٹ کی قیمتوں میں کوئی تبدیلی نہیں دیکھی گئی۔ رپورٹ کے مطابق یکم جنوری کو ختم ہونے والے ہفتے میں جنوبی شہروں میں سیمنٹ کی فی بوری اوسط ریٹیل قیمت 1446 روپے ہی برقرار رہی

اعدادوشمار کے مطابق

اعدادوشمار کے مطابق مختلف شمالی شہروں میں سیمنٹ کی قیمتیں اس طرح رہیں: اسلام آباد میں 1367 روپے، راولپنڈی میں 1361 روپے، گوجرانوالہ میں 1420 روپے، سیالکوٹ اور سرگودھا میں 1400 روپے، لاہور میں 1457 روپے، فیصل آباد میں 1380 روپے، ملتان میں 1411 روپے، بہاولپور میں 1413 روپے، پشاور میں 1353 روپے جبکہ بنوں میں سب سے کم 1300 روپے فی بوری ریکارڈ کی گئی۔
اسی عرصے کے دوران جنوبی شہروں میں کراچی میں سیمنٹ کی فی بوری اوسط قیمت 1379 روپے رہی۔ حیدر آباد میں 1428 روپے، سکھر میں 1530 روپے، لاڑکانہ میں 1407 روپے، کوئٹہ میں 1490 روپے اور خضدار میں 1443 روپے فی بوری قیمت ریکارڈ کی گئی۔
ماہرین کے مطابق شمالی علاقوں میں معمولی کمی اگر برقرار رہی تو تعمیراتی شعبے کو کچھ حد تک ریلیف مل سکتا ہے، تاہم مجموعی طور پر سیمنٹ کی قیمتیں اب بھی بلند سطح پر موجود ہیں۔

ڈسکلیمر
یہ خبر پاکستان بیورو برائے شماریات کے جاری کردہ اعدادوشمار پر مبنی ہے۔ اس میں دی گئی قیمتیں اوسط ریٹیل ریٹس ہیں، جو شہر، برانڈ اور وقت کے لحاظ سے مختلف ہو سکتی ہیں۔ ویب سائٹ کسی بھی قیمت میں کمی بیشی، یا اس بنیاد پر کیے گئے فیصلوں کی ذمہ دار نہیں ہوگی۔ قارئین سے گزارش ہے کہ خریداری یا تجارتی فیصلے سے قبل متعلقہ ذرائع سے تازہ معلومات کی تصدیق کر لیں۔

مزید پڑھیں