اسٹریٹجک پولیٹیکل اینڈ ڈیفنس کمیٹی آف دی مکہ الائنس فار ڈیفنس کا ہنگامی اجلاس ریاض میں منعقد ہوا، جس میں سیاسی اور عسکری مشاورت کے بعد اہم فیصلوں کی منظوری دے دی گئی ہے۔

اجلاس کے مشترکہ اعلامیے کے مطابق کمیٹی نے اجتماعی دفاع اور خطرات کے خلاف متفقہ مؤقف اپنانے کے عزم کو مزید مستحکم کرنے کا اعادہ کیا ہے۔ اجلاس میں درج ذیل اہم امور طے پائے:

• فوری عملی اقدامات: اجتماعی دفاع کے عزم کو عملی جامہ پہنانے اور مطلوبہ فوجی دستوں اور صلاحیتوں کی فراہمی کے لیے فوری اقدامات کرنے کا فیصلہ کیا گیا ہے
• تیاری اور عسکری انضمام: مملکت میں دستوں کی تیز رفتار تعیناتی کو یقینی بنانا تاکہ خطرات سے نمٹنے کے لیے فوجی تیاری اور اجتماعی صلاحیت کو بہتر بنایا جا سکے
• سلامتی کا اشتراک: تمام فریقین نے اس بات پر زور دیا کہ ہر ایک فریق کی سلامتی تینوں ممالک کی اجتماعی سلامتی کا لازمی حصہ ہے
• مکہ معاہدے کی توثیق: مشترکہ دفاع کے مکہ معاہدے کو عملی جامہ پہنانا اجتماعی دفاع کے عزم کی ساکھ کو مضبوط کرتا ہے اور سلامتی، خودمختاری اور علاقائی سالمیت کا دفاع کرنے کے عزم کی تجدید کرتا ہے

اس سنگِ میل اقدام سے خطے میں دفاعی تعاون کو ایک نئی جہت ملے گی اور تمام اتحادی ممالک کسی بھی چیلنج سے نمٹنے کے لیے یکجا نظر آتے ہیں