انڈونیشیا میں پرواز کے فوراً بعد طیارے سے رابطہ منقطع، بڑے پیمانے پر سرچ آپریشن جاری

انڈونیشیا میں ایک طیارہ پرواز بھرنے کے کچھ ہی وقت بعد ایئر ٹریفک کنٹرول سے رابطہ منقطع ہونے کے بعد لاپتہ ہو گیا، جس کے نتیجے میں فوری طور پر تلاش اور ریسکیو آپریشن شروع کر دیا گیا۔

غیر ملکی خبر رساں اداروں کے مطابق طیارہ ایک معمول کی پرواز پر تھا کہ اچانک ریڈار اسکرین سے غائب ہو گیا۔ کنٹرول ٹاور نے بار بار رابطے کی کوشش کی، مگر طیارے کی جانب سے کوئی جواب موصول نہ ہو سکا۔

طیارے میں کتنے افراد سوار تھے؟

حکام کا کہنا ہے کہ طیارے میں کل 11 افراد سوار تھے، جن میں عملے کے ارکان اور سرکاری اہلکار شامل ہیں۔ طیارہ ایک مخصوص مشن پر روانہ ہوا تھا۔

سرچ اور ریسکیو آپریشن

واقعے کی اطلاع ملتے ہی انڈونیشیا کی سرچ اینڈ ریسکیو ایجنسی نے فضائی اور زمینی ٹیمیں متحرک کر دیں۔تلاش میں

ہیلی کاپٹرز

ڈرونزز

مینی سرچ ٹیمیںشامل ہیں، جبکہ 400 سے زائد اہلکار آپریشن میں حصہ لے رہے ہیں۔

تلاش میں مشکلات

طیارے کے ممکنہ مقام کے طور پر پہاڑی اور گھنے جنگلاتی علاقوں کی نشاندہی کی گئی ہے، جہاں خراب موسم اور دشوار گزار راستے سرچ آپریشن کو مشکل بنا رہے ہیں۔ بعض مقامی افراد نے دور سے دھواں اور آگ دیکھنے کی اطلاعات بھی دی ہیں، تاہم حکام نے ابھی تصدیق نہیں کی۔

انڈونیشین حکام کا کہنا ہے کہ جب تک طیارے یا اس کے ملبے کا سراغ نہیں مل جاتا، سرچ آپریشن جاری رکھا جائے گا۔ واقعے کی وجوہات جاننے کے لیے تمام پہلوؤں کا جائزہ لیا جا رہا ہے۔

طیارے سے اچانک رابطہ منقطع ہونے کے اس واقعے نے ملک بھر میں تشویش پیدا کر دی ہے۔ حکام کے مطابق مزید تفصیلات سامنے آنے پر عوام کو آگاہ کیا جائے گا۔

missing plane, aircraft disappeared, aviation news, breaking news, search and rescue, rescue operation, Indonesia news, flight news, aviation incident, world news

مزید یہ خبریں پڑھیں