محکمہ موسمیات نے ملک کے مختلف حصوں میں بارش اور برفباری کی پیشگوئی کر دی ہے۔
بلوچستان کے دارالحکومت کوئٹہ سمیت متعدد علاقوں میں بارش اور برفباری کا آغاز ہو چکا ہے۔
محکمہ موسمیات کے مطابق زیارت، پشین، قلعہ سیف اللہ، کوژک ٹاپ اور قلعہ عبداللہ میں برفباری ریکارڈ کی گئی ہے، جبکہ کان مہترزئی میں برفباری کے باعث ہنگامی اقدامات کرنا پڑے۔ بارش کے بعد کوئٹہ کے مختلف علاقوں میں بجلی کی فراہمی متاثر ہوئی، جبکہ نوشکی میں سردی کی شدت میں نمایاں اضافہ دیکھا گیا ہے۔
بالائی علاقوں میں درجہ حرارت نقطہ انجماد سے کئی درجے نیچے گر گیا ہے۔ محکمہ موسمیات کا کہنا ہے کہ آئندہ چند روز میں مزید بارش اور برفباری کا امکان موجود ہے۔
دوسری جانب محکمہ موسمیات نے کراچی میں بھی آج دوپہر سے شام کے دوران بارش کی پیشگوئی کی ہے، جس کے باعث موسم سرد اور خوشگوار ہونے کی توقع ہے۔
عوام کو ہدایت کی گئی ہے کہ خراب موسم کے دوران احتیاطی تدابیر اختیار کریں، خاص طور پر پہاڑی علاقوں میں سفر سے پہلے موسم کی تازہ صورتحال ضرور معلوم کریں۔
یہ بھی پڑھیں
مگرمچھ کی خاموش طاقت | The Silent Power of the Crocodile