پاکستان-بھارت میچ نہ کھیلنے کی صورت میں فورفیٹ، پوائنٹس اور نیٹ رن ریٹ متاثر
لاہور: آئی سی سی کے قوانین کے مطابق اگر پاکستان 15 فروری کو بھارت کے خلاف میدان میں نہیں اترتا تو یہ میچ فورفیٹ تصور کیا جائے گا۔ اس صورت میں پاکستان کو دو پوائنٹس کا نقصان ہوگا اور اس کا نیٹ رن ریٹ متاثر ہوگا۔
آئی سی سی کے مطابق ڈیفالٹ کرنے والی ٹیم کے پورے اوورز اس کے خلاف شمار کیے جائیں گے جبکہ مخالف ٹیم پر کوئی اثر نہیں پڑے گا۔
ٹی ٹوئنٹی ورلڈ کپ کے مختصر فارمیٹ میں ہر میچ کی اہمیت بہت زیادہ ہے اور بھارت-پاکستان کا میچ مالی لحاظ سے سب سے قیمتی اور منافع بخش سمجھا جاتا ہے، جس کی مجموعی مالیت تقریباً 500 ملین ڈالر ہے۔ آئی سی سی کے ترجمان نے کہا کہ پاکستان کے فیصلے کا گلوبل کرکٹ ایکو سسٹم پر اثر پڑ سکتا ہے اور ممکنہ تادیبی اقدامات پر غور کیا جا رہا ہے۔
تاریخی طور پر ورلڈ کپ میں فورفیٹ کے چند واقعات سامنے آئے ہیں، لیکن بھارت-پاکستان جیسے اہم میچ کا نہ کھیلنا کرکٹ دنیا کے لیے ایک سنگین معاملہ تصور کیا جائے گا۔